「TVB小生」再涉酒駕被捕，現身受訪交代事發經過

「TVB小生」楊明日前現身受訪交代事發經過，佢話：「報道話我飲咗酒要人扶住行，話我拒絕做酒精測試，其實當時我撞完車之後比較暈，所以嗰一刻可能做唔到酒精測試，警方嗰一刻只係想救我出嚟。」

楊明又話：「自己對撞毀公物深感抱歉，真係好彩冇傷到人，可能呢排比較忙，又瞓覺遲，先發生呢個意外，至於法律問題就交由律師處理，呢件事令大家都好擔心，多謝大家關心」

講到楊明，其實佢後生嗰陣就因為飲酒出過事，佢喺2005年畀發現將座駕停喺佐敦道中間行車線，并喺車中瞓覺，警方到場之後證實酒精超標畀捕，判罰款7000港元同停牌一年。

2006年，楊明喺夜店襲擊保安員而判守行為，喺守行為期間佢又帶醉意喺便利商店以回鄉證購物失敗之後，發爛渣破壞店內物品，事後佢畀法院判社會服務令150個鐘，并須向便利商店賠償3880港元。

已經入行22年嘅楊明，呢幾年終于獲大眾接受，并喺今年《婚姻合伙人》、《機場特警》同熱播劇集《迷網》擔正做男主角，原本前途一片光明，但目前睇嚟楊明星途凍過水。