今年36歲嘅農夫成員C君（鄭詩君），今日同拍拖5年嘅DJ女友黃天頤拉埋天窗，經歷朝早氣氛攪笑輕松嘅接新娘環節之後，晚上一對新人喺四季酒店設宴招呼親朋戚友。
C君同太太黃天頤換上禮服同婚紗接待傳媒，喺記者要求下，兩次咀對方，真係隔著屏幕都感覺好甜蜜。
對于好兄弟陸永踢爆C君後生嗰陣已經暗戀黃天頤，守候足足二十年先娶得美人歸。
C君話：「我唔係暗戀，係明戀，單戀佢十幾年，終于可以同佢拍拖，唔通我諗想快啲分手乜？梗係想開花結果啦，其實我結婚嘅念頭係因為偶像黃子華！」
C君話：「因為黃子華曾經同我講過，如果搵到一個可以相處得好好嘅伴侶，咁就快D結婚。」
Like MisshkNews Facebook！不出门也能知天下事～
