「TVB小生」正式宣佈老婆懷二胎,網民激贊大仔好靚仔

尋日係520好日子,「TVB小生」鄭嘉穎同港姐老婆陳凱琳喺社交平台正式宣佈懷二胎,,陳凱琳仲留言話:「Rafa好快就要做大佬啦!好開心可以喺520宣佈我哋家庭將會多添一個新成員!」

之後陳凱琳仲話:「喺呢段日子好感激我老公嘅細心照顧,都要多謝屋企人同朋友幫我保守呢個秘密,同時送上充滿愛心嘅祝福畀我哋!每朝早起身可以行出露臺,望住美麗嘅海景,真係好嘆!希望BB出世之後可以同阿哥一樣噉健康,一樣有活力!God Bless!」

另一邊鄭嘉穎都有發文:「Rafa即將升呢做大佬,1+1=4」一眾網友睇到大仔嘅相,紛紛激贊生得好靚仔,完全係遺傳咗爸爸媽媽優秀基因。

陳凱琳同鄭嘉穎因為拍攝劇集《僵》而結緣,兩個人拍拖三年於2018年喺巴里島舉行浪漫婚禮,陳凱琳以2013年港姐冠軍銜頭出道,仲畀傳媒封為近十年最美港姐。

入行之後嘅陳凱琳備受TVB力捧,主演《名門暗戰》、《四個女仔三個bar》、《張保仔》、《巨輪2》等劇集,但其演技備受網友質疑。

歌手出道嘅鄭嘉穎加入TVB多年,佢飾演過多部經典劇集,譬如《天幕下的戀人》、《法證先鋒》、《鐵馬尋橋》、《法證先鋒》等,其中憑《天幕下的戀人》同《怒火街頭》兩度奪得「TVB視帝」。

鄭嘉穎喺2015年拍攝完《迷》離巢TVB,結束15年嘅合約關係,將重心北上發展,賺人仔。

雖然暫時見唔到鄭嘉穎、陳凱琳嘅作品,但係見到佢哋再度升呢做爸爸媽媽,真係替佢哋開心,祝福佢哋一家四口幸福滿滿。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *