「TVB小生」畀踢爆就快做老竇,表示同女友奉子成婚

最近,「TVB小生」洪永城同羅仲謙一齊出席劇集《陀槍師姐2020》嘅殺青飯,現場羅仲謙踢爆洪永城就快升呢做老竇,攪到洪永城笑得見牙唔見眼。

不過,洪永城都承認自己呢排正朝住呢個方向發展,唔排除同女友奉子成婚,洪永城表示宜家佢哋已經住咗一齊,佢仲大方笑住話:「喺埋一齊咗幾個月,大家互相了解多咗好多。」

講到洪永城,其實2005年佢加入香港有線電視,成為有線娛樂部旅游節目《活得好滋味》嘅主持人,當時佢同黃翠如主持節目,因為輕松歡快嘅主持風格,獲得唔少關注。

雖然洪永城拍咗唔少劇集,不過洪永城嘅風評一路都唔好,媒體畀封佢為「溝女王」,皆因洪永城圈外女友拍拖多年,2012年畀揭發孭住女朋友出軌而分手。洪永城好朋友形容佢,對外形唔差嘅女仔都會有興趣。

喺2013年洪永城因為拍攝劇集《載到有情人》同唐詩詠戲假情真,兩人拍拖。不過拍拖期間洪永城一直都有緋聞傳出,直到2017年洪永城同唐詩詠宣布分手,期間有傳佢哋複合嘅消息,不過唐詩詠否認。

第二年,洪永城就宣佈同模特、健身教練梁諾妍拍拖,呢排更有算命師傅批梁諾妍大肚嘅幾率好高,而洪永城表示正朝住呢個方向發展,自己都有心理準備做老竇,隨時做老襯。

唔知道洪永城呢次係咪真係想收心做老竇呢?聽到羅仲謙咁講,或者好快就會有洪永城好消息傳出。

Like MisshkNews Facebook!不出门也能知天下事~

發佈回覆

你的電郵地址並不會被公開。