「TVB小生」突然宣佈離開TVB,並衷心多謝TVB

前「TVB小生」敖嘉年近幾年主力北上發展,但都會返香港拍劇,好似舊年10月同馬德鐘拍攝新劇《伙記辦大事》,不過佢透過社交平臺發文,突然宣佈離開TVB!

敖嘉年仲留言話:「沒有TVB,我只係一位籍籍無名的小卒!」

敖嘉年第一套劇集喺《封神榜》飾演“木吒”一角,之後佢斷斷續續拍攝咗幾套劇集,但多數都系戲份唔多嘅配角。

直到喺2009年,敖嘉年喺《巾幗梟雄》飾演惡少“蔣必文”一角而人氣急升,亦都喺《萬千星輝頒獎典禮 2009》上勇奪「飛躍進步男藝員」,亦入圍「最佳男配角」最佳五強。

之後敖嘉年喺《巾幗梟雄之義海豪情》中飾演命運悲慘、單純善良嘅「排骨仔」再次獲得人氣急升。

敖嘉年更以「排骨仔」一角入圍《萬千星輝頒獎典禮 2010》嘅「最佳男配角」最佳五強。

2016年,敖嘉年同拍拖多年嘅圈外女友結婚,翌年已經計劃離開TVB,改簽部頭合約換取自由,北上發展之外又參與舞臺劇演出。

呢兩年,敖嘉年都有參與拍攝TVB劇集,包括已經出街嘅《好日子》,同埋未出街嘅《唐人街》,離開前嘅告別作係《伙記辦大事》。

敖嘉年曾經喺大陸拍攝《盜墓筆記》結果票房大賣,也成功打開咗大陸市場,雖然係配角,亦有十幾萬片酬,係喺TVB一年都賺唔到嘅數字!

唔理點樣,都係希望敖嘉年喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發表回覆

你的電郵地址並不會被公開。