「TVB小生」突然宣布離開《愛回家》,粉絲大感不舍!

喺《愛回家之開心速遞》中演補習天王佐治嘅「TVB小生」張明偉,呢日突然喺社交平臺宣布離開劇組,唔少粉絲紛紛表示唔舍得,更加指明因為佐治呢個角色先識到張明偉。

張明偉留言表示:「多謝大家對自己嘅支持,其實我做佐治唔經唔覺3年有多,一直都有留言大家嘅留言,無論好定壞都畀咗我好多靈感同意見!讓我思考點進步,務求令個角色有娛樂性而且夠貼地,希望大家第日留意我其他作品,有緣再見!」

張明偉曾經講過話:「其實啱啱入行呢八年入面,我一直獲TVB安排嘅角色多數都係無所事事,直到佐治呢個角色,先令到我感受到乜係入屋嘅威力。」

張明偉仲話:「其實佐治原本係一次性角色,但隔咗幾個月之后,監制決定再寫佐治,更要求我喺造型上要有林作feel,我更因為一頭亂髮成為網民佳話,更受到林作關注,林作仲親自指導我打造佢嘅招牌亂髮。」

現年31歲嘅張明偉,畢業於美國加州大學洛杉磯分校(UCLA)嘅傳理系,鐘意唱歌做戲嘅佢,2012年畢業于第25期TVB藝員訓練班,翌年參加過《星夢傳奇》,自彈自唱《Let it be》,大展音樂才華。

其實張明偉本身係創作歌手,以及係樂隊主音同結他手。張明偉老竇同阿哥都係法律界人士,媽咪係英文老師,家境相當富裕,所以張明偉啱入行嗰陣一度畀標簽為玩玩嚇嘅富二代。

 張明偉表示知道自己幸福,但都有各自嘅辛酸同難處,無論標簽係正面定負面,佢都要承受、接受,工作上亦無得抵賴,無藉口做得唔夠好。

Like MisshkNews Facebook!不出门也能知天下事~

發佈回覆

你的電郵地址並不會被公開。