「TVB小生」自爆畀強行舌吻,無奈我就將嘴合埋

由「TVB小生」關智斌(Kenny)、陳家樂同楊天宇主持嘅網上節目《三夫當關》,新一集請來衛詩雅同連詩雅做嘉賓,主題係「親熱戲」。

講到拍攝接吻戲份應唔應該伸脷,關智斌即刻回應:「梗係唔應該啦!」而經驗較淺嘅楊天宇就提問:「唔係視乎劇情嘅咩?」

陳家樂、連詩雅連馬上教楊天宇,原來喺拍攝吻戲時係要有「演員道德」,要喺雙方有共識嘅情況下先可以舌吻。

之後關智斌分享之前曾經被女演員強行舌吻嘅經驗:「錫錫吓發現唔對路,我就合埋個嘴,用啲牙頂番去」

拍吻戲前多數藝人都會做好準備,例如刷牙、用潄口水等清潔口腔,連詩雅表示曾經有對手身上一陣煙味,令佢感覺好唔太舒服。

陳家樂自爆曾被湯怡(Kathy)投訴:「舊年同湯怡拍咗一套戲,錫到佢唔係好滿意,因為我須根搞到她好痛。」

「片場咸豬手」一向都係八卦熱門話題,衛詩雅分享曾經遇上「咸豬手」,有一次更突然間為女性工作人員按摩,好彩有人伸出援手,成功解救同事。

最後衛詩雅更呼吁:「無論男女,你覺得唔舒服,你都一定要出聲,唔使擔心人話你博新聞,時間會證明一切。」

發表回覆

你的電郵地址並不會被公開。