「TVB小生」趕住40歲前造人,塊面凹曬變人乾!

「TVB小生」林峯張馨月較早時畀發現秘密入紙排期結婚,令到一眾粉絲好心碎!林峯事後默認婚訊,雖然未有公布結婚日期,但就有傳佢會趕喺自己40歲生日當日拉埋天窗。

而日前林峯取消原定喺12月8日舉辦嘅歌迷生日會,所有參加費用將全數退還畀歌迷,不過就未有透露取消嘅原因,令林峯會喺生日當日結婚嘅傳聞更加甚囂塵上。

日前林峯同好耐未見面嘅老友胡杏兒、楊采妮獲邀出席賽車比賽,二人即刻講笑互催生B,胡杏兒就話要做嘢唔生咁多個,林峯就笑笑口話自己努力咁,幸福滿瀉呀!

不過林峯明顯比之前消瘦咗好多,兩邊面凹曬落去之余,仲有好多細紋,顯老之余睇落好唔精神。不少粉絲都大嗌心痛,叫佢忙住籌備結婚同工作都要好好照顧身體!

發表回覆

你的電郵地址並不會被公開。