「TVB小花」上演誘惑戲,稱高海寧親身教做戲

TVB熱播劇集《迷網》除咗有高海寧擔正演出之外,仲有飾演婚紗鋪職員Ada嘅彭翔翎同樣亮眼,佢成功靠誘惑游莨維上位,更獲得大批網民嘅激贊!

彭翔翎喺2018年考入第29期藝員訓練班,畢業之後即有機會參演臺慶劇《解決師》,飾演其中一位拉拉隊隊員,但佢亦曾經飾演過唔少無名角色,以學生、文員、侍應為主。

不過彭翔翎呢次喺《迷網》就有唔少戲份同對白,佢坦言直認有壓力,所以拍攝嗰陣都好珍惜呢個機會,好多謝公司可以比我呢個機會我。

彭翔翎仲話:「演繹上對我嚟講係有啲難度,特別係誘惑游莨維嘅戲份,一開頭都有尷尬,但導演同高海寧都好有耐性親身教我點做,所以NG咗幾次之後就放膽咗好多。」

彭翔翎更因為同林夏薇樣貌相似而備受關注,更有「翻版林夏薇」之稱,對此佢就表示:「之前唔覺得,但同林夏薇合作完《七公主》之後有少少覺。」
今年先27歲嘅彭翔翎,正處于自己事業發展嘅黃金時期,相信佢嘅事業發展得越嚟越好,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *