「TVB小花」世紀大破冰,竟然係因為…

「TVB小花」龔嘉欣入行12年,佢日前喺《萬千星輝頒獎禮》上講攞獎感受時,佢向姚子羚話:「多謝子羚,我哋曾經瞓埋一張床,我同你唔需要解釋太多!」再做好姊妹,一切心照。

姚子羚比龔嘉欣早6年出道,不過佢哋好投契,當時大家喺TVB仲係配角身份,收入唔多,所以喺2014年合租村屋同住成為好姊妹,仲共同收養畀遺棄嘅唐狗「通仔」。

可惜佢哋嘅友情,自從2015年姚子羚同富二代鄭子邦拍拖之后就開始決裂,姚子羚戀上男方冇幾耐就搬離村屋。

皆因戀情一直保持低調,但后來關係突然被曝光,姚子羚就感覺畀好姊妹龔嘉欣出賣,認為有人將是非當人情周圍講,所以姚子羚慢慢同龔嘉欣斷絕來往,一度喺電視城碰面互當透明。

2018年姚子羚同鄭子邦分手之后,翌年就同夜場董事Raymond撻著,更加因為卷入床照風波同四角戀醜聞,令佢飽受困擾。

據悉,當時姚子羚一眾姊妹紛紛慰問,唯獨龔嘉欣被指零反應。但其實龔嘉欣有主動關心同鼓勵姚子羚,雖然只係簡單留言,但選擇踏前一步,友情至少唔會再冰封。

姚子羚同龔嘉欣終于喺舊年中相約茶聚,既然可以相約見面,即係不再心存芥蒂。據知姚子羚亦搞清楚當日嘅誤會,友情終于得以恢復。

8月嘅時候,姚子羚更贈送一對自己設計嘅耳環畀佢,唔怪得龔嘉欣攞獎嗰陣重點提到姚子羚,相信對佢嚟講獎項同失而復得嘅好姊妹同樣重要。

姚子羚曾經拍拖大過天,但經歷過的士邦同夜場Raymond兩段感情之后,深知男人唔可靠,姚子羚乾脆專心事業,除咗拍劇,更經營生意,寧愿減少休息時間,穩多條出路。

唔理點樣,宜家見到姚子羚同龔嘉欣世紀破冰感情得以修復,真係替佢哋開心,同埋都係希望佢哋喺之後嘅事業上可以有所成就,期待佢哋嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。