「TVB小花」住豪宅開公司,偏愛做泳衣女郎

TVB旅游節目《3日2夜》,自從2014年開播以嚟,因為經常會有有後生花旦小花以泳衣示人,大騷性感惹火身段,所以令節目深受宅男愛戴。

喺節目上,經常出現不知名小花,好多都係因為呢個節目而慢慢走紅。

最近,節目上嘅熟客「TVB小花」鄺潔楹(Judy),雖然生得甜美可人,但并冇參加港姐入行,皆因身高得155cm。

2012年已經開始拍廣告嘅鄺潔楹,喺西雅圖大學完成學業之後,就加入模特兒公司成為女子組合Super Girls嘅成員。兩年之後,鄺潔楹再轉投TVB,成為娛樂新聞女主播。

由于鄺潔楹喺《3日2夜》中大曬誘人身段,獲網民封為新一代TVB「宅男女神」,最近更加成為TVB力捧嘅對象。

靠甜美外貌取勝,又吃苦耐勞,毫不吝嗇自己身材嘅鄺潔楹,更令好多監制慧眼大開,又安排拍攝《愛回家之開心速遞》,又主持《學是學非》,機會不絕。

戲外嘅鄺潔楹其實係隱形小富婆,除咗家住二千呎嘅大埔獨立屋外,名下仲擁有一個跑馬地豪宅單位,以及開設一間投資公司。

發表回覆

你的電郵地址並不會被公開。