「TVB小花」傅嘉莉大晒水着靚相,網民睇到O曬嘴

J2熱播節目《野外步出2》每集都會請嚟唔少女神級坐鎮,性感上陣大派福利,最新一集請嚟「TVB小花」傅嘉莉就大玩水上單車,不過見到佢包到實一實,令唔少網民都直呼失望。

原來好戲在後頭,呢日傅嘉莉就喺社交平台大晒水着靚相,相中見佢着上超Deep V一件頭連身泳衣,大騷事業線,腰間兩側再開窿露纖腰,網民睇到O曬嘴。

講到傅嘉莉,其實佢喺2013年參演《沖上云霄II》飾演喬祖思一角開始為人熟悉,喺劇中佢飾演一個暗戀機長吳卓羲嘅咖啡師,同吳卓羲有唔少嘅對手戲。

之後傅嘉莉喺《愛我請留言》首度擔任第二女主角,飾演為咗嫁比有錢人而背井離鄉只身一人嚟香港嘅打工妹“皎妃”,佢因為喺劇中嘅出色表演而人氣急升。

2015年傅嘉莉正式成為「TVB親生女」,同年喺臺慶劇《張保仔》飾演貪食宮女夏嬋,與陳展鵬嘅感情線獲得關注,更憑藉呢部劇榮獲《萬千星輝頒獎典禮2015》最佳女配角提名。

傅嘉莉唔單止人美,同時都好熱愛公益,曾經喺2016年創立咗“傅出愛義工團”。集合善心人士,身體力行,付出愛并多關懷社會上面有需要人士,共同實踐傅出愛精神,為社會作出貢獻。

呢幾年,傅嘉莉出演嘅劇集《反黑路人甲》、《刑偵日記》都可以睇到佢喺演技上嘅進步,也令到觀眾對佢印象有咗改觀,期待佢可以帶嚟多啲精彩嘅作品,加油!

Like MisshkNews Facebook!不出门也能知天下事~

發佈回覆

你的電郵地址並不會被公開。