「TVB小花」入行三年甘愿客串,坦言唔驚人工低!

TVB正在熱播嘅《踩過界II》最新一集,劇情講到喺荒山野嶺發現一副女性遺骸,間接為當年畀認定為殺人犯嘅許日東(徐榮飾)可以抗訴。

而呢個女死者程可欣(彭翔翎飾)喺回憶片段出現,佢係一個輕度弱智少女,係一個唔容易駕馭嘅角色,但就得三年演出經驗嘅彭翔翎卻飾演得入型入格。

彭翔翎喺接受訪問時坦言有難度,佢話:「自己要諗點樣先可以做到輕度而又唔會太弱智,聲線同講嘢嘅速度有自己研究過,亦有睇片做過參考,不過多數都係比較嚴重嘅患者,所以最后都係自己再作調整。」

講到彭翔翎,其實佢喺2018年考入第29期藝員訓練班,畢業之後即有機會參演臺慶劇《解決師》,飾演其中一位拉拉隊隊員,但佢亦曾經飾演過唔少無名角色,以學生、文員、侍應為主。

彭翔翎更因為同林夏薇樣貌相似而備受關注,更有「翻版林夏薇」之稱,對此佢就表示:「之前唔覺得,但同林夏薇合作完《七公主》之後有少少覺。」
今年先27歲嘅彭翔翎,正處于自己事業發展嘅黃金時期,相信佢嘅事業發展得越嚟越好,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。