「TVB小花」再曬韓風婚照,力求以最靚狀態迎接結婚

「TVB小花」何雁詩下月就會同鄭俊弘注冊登記結婚,日前佢哋已經進行咗傳統嘅過大禮儀式。呢日見到何雁詩喺社交平臺曬出咗甜蜜又溫馨嘅婚照。

何雁詩就話呢輯婚照同年頭拍嗰輯風格唔同,之前嗰輯偏向歐美風,呢次比較韓風,除咗著婚紗之外,都有著便服拍嘅靚照。

何雁詩又希望婚禮當日可以帶埋愛犬一齊,讓佢哋做花仔花女。

講到何雁詩同埋鄭俊弘,雖然而家佢哋愛情成功開花結果,但係佢哋嘅感情路亦曾經波折重重,皆因有媒體喺2017年踢爆鄭俊弘一腳踏兩船,擁有富貴未婚妻Beebs卻秘戀上何雁詩,令何雁詩慘變第三者。

單嘢曝光之后,何雁詩受盡千夫所指,導致佢情緒病發作,更加盛傳佢割脈自殺入院,以及因為情緒病失控而導致冇公司夠膽同佢簽約。

何雁詩坦言,因為深愛鄭俊弘先會原諒對方,佢承認以前疑心重,但宜家對男友百分百信任,全因為當時鄭俊弘知道呢段戀情會對佢哋嘅事業有好大影響,曾經同佢作出承諾。

唔理點樣,宜家見到何雁詩同埋鄭俊弘咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。