「TVB小花」再發功,點影都咁索!

「TVB小花」曾淑雅曾經喺《陀槍師姐2021》飾演女警Jackie,可能對好多觀眾嚟講好陌生,其實佢已經入行十年,現實中佢係一個身材勁火辣嘅山系少女,粉絲高達55萬!

呢日曾淑雅再發功,見到佢以橙紅色一件頭泳衣上陣,趁住好天氣喺沙灘擺晒甫士,雖然玩起「封咪」,其實側面弧形線條好凸出,加埋對招牌長腿、迷人笑容一樣搶分!

曾淑雅求其影幾張相擺上網,即刻吸逾2萬個Like,果然夠女神風範,難怪獲網友封為新一代「一件頭女神」。

現年29歲嘅曾淑雅本身係一個模特兒,2011年入行初期曾經以青春女子組合「Mi55」身份推出寫真,其中羅彩玲、曾淑雅分別就彈起活躍于娛樂圈。

當時19歲嘅曾淑雅更勇奪中國小姐(香港賽區)冠軍、「最具人氣獎」、「最上鏡小姐」,成為三料冠軍。

第二年,曾淑雅更開始參與幕前演出,分別參演過《懸紅》、《超級經理人》、《風暴》、《PG戀愛指引》、《失戀日》,2017年更喺《空手道》飾演性感空姐。

直到2020年,曾淑雅就加盟TVB,第一個亮相嘅節目就係出產過唔少「女神」嘅《3日2夜》,同時佢也參演過TVB劇集《香港愛情故事》。

《陀槍師姐2021》出街之后,有網民投訴TVB大材小用,浪費咗曾淑雅嘅優點。佢就話:「呢次雖然唔係好多戲,但都係我啱啱入公司嘅第三套劇,對新人嚟講,真係唔算少啦。」

曾淑雅仲話:「我唔會抗拒拍攝性感場面。」,睇嚟女神為咗上位,真係豁出去。唔理點樣,都係希望曾淑雅喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *