「TVB小花」外籍男友搞神秘派對,開心到不停標淚

「TVB小花」陳偉琪舊年因為醉駕,之后又畀記者爆出夜蒲咀鬼佬而畀TVB雪藏,所以佢喺《愛回家之開心速遞》中消失,雖然之後喺台慶「解禁」表演豎琴,不過之後都係唔見有乜新工作。

過多幾日陳偉琪就踏入「3字頭」,呢日佢獲外籍男友舉行神秘生日派對,除咗親朋好友之外,仲搵嚟《愛回家》嘅拍檔等拍片祝賀。 當陳偉琪見到劇中嘅「廢柴老公細龍生」鄭世豪喺片中出現嗰陣,佢即刻變得情緒激動,唔知係咪好掛住劇組同事嘅關係,開心到不停標淚,仲要男朋友加以安慰。

對於男朋友嘅安排,陳偉琪事后亦有發文表示:「真係好驚喜,多謝你為我準備呢個生日驚喜!」

講到陳偉琪,其實佢入行到而家已經有6年時間,佢同大多數藝人一樣,都係通過選美入行。曾經參加過2011年溫哥華華裔小姐競選嘅佢獲得咗亞軍、最上鏡小姐同最優雅模特獎。

後來陳偉琪喺2013年嘅時候再戰香港小姐,不過最後就可惜止步五強,未能進入三甲。

但係備受賞識嘅陳偉琪,喺選美結束之後就參加咗第七期藝員訓練班而成為TVB旗下藝人,雖然佢所飾演嘅角色多數都係一啲配角類型。

不過陳偉琪依舊認真對待,兼夾心懷感恩,直到憑借《愛回家之開心速遞》中飾演「細龍太」而終于捱出頭。

除此之外,陳偉琪仲演出過唔少作品,比如《我們的天空》、《陪著你走》、《拆局專家》、《警犬巴打》、《潮流教主》、《超能老豆》、《全職沒女》、《賭城群英會》、《超時空男臣》、《溏心風暴3》等。

唔理點樣,期待陳偉琪喺跟住嘅新劇《十二傳說》中精彩演出,也希望陳偉琪可以繼續畀我哋帶嚟多啲更精彩噶演出,加油加油!

Like MisshkNews Facebook!不出门也能知天下事~

發佈回覆

你的電郵地址並不會被公開。