「TVB小花」岑麗香著大露背裝出席活動，佢透露尋日先喺加拿大返嚟香港，都係呢排先至決定舊歷新年會留喺香港同屋企人年一齊過。
岑麗香話：「阿仔第一次過新年，我都好期待，佢而家9個半月大，到時一家人可以著新衫。」
講到工作，岑麗香表示宜家拍緊戲，而二月尾就會拍攝《BB來了2》，笑言：「我而家有9個幾月合湊B經驗，希望可以幫到拍劇，因為同小朋友拍戲係好難，希望到時可以順利D。」
問到之後拍劇時間長咗，會唔會掛住仔仔？岑麗香笑言：「唔敢諗，有時出去做嘢已經好唔舍得，到時拍劇都唔知點處理。」（會唔會要求工時唔好咁長？）冇特別要求。
而講到好友朱千雪有傳大肚，佢表示：「呢排冇見，唔知佢有冇BB，因為呢排我飛得多，所以冇機會傾計，真係唔知。」
Like MisshkNews Facebook！不出门也能知天下事～
