「TVB小花」學生時代大曝光,網民激讚零走樣

現年31歲嘅「TVB小花」蔣家旻已經唔係昔日嘅「馬子妮」,連佢都忍唔住懷緬吓過去,慨嘆時光飛逝,佢更喺社交平臺晒出學生相。

雖然相差十幾年,但蔣家旻完全冇變過,尤其佢個個標志性厚唇,楊潮凱就話好似佢喺神劇《天與地》所飾演嘅阿Yan。

另外都有網民就笑言話係「少年版水姐」,又叫佢可以搵番件校服再影過呀!

講到蔣家旻,其實佢喺2012年憑借處境劇《愛回家》而人氣急升,佢喺劇中飾演一個乖乖女馬子妮,而蔣家旻喺入行後都經常飾演呢類型清純可愛嘅形象。

不過呢排喺新劇《極道怪咖》中,蔣家旻一改以往嘅鄰家女孩形象,首次喺劇中飾演一個霸氣嘅社團大姐大,以錫士、有型嘅形象上陣。

入行到而家已經有12年嘅蔣家旻,知道要喺娛樂圈中上位要靠實力同運氣,就算係“時機未到”,自己都會努力證明絕對係有料之人!

而家蔣家旻就一改以往形象喺新劇《極道怪咖》中飾演霸氣社團大姐大“姚清水”,喺劇中畀觀眾們呈現出唔同嘅自己,蔣家旻都希望觀眾們透過呢部劇集可以睇到自己嘅蛻變。

蔣家旻話:“一直畀大家嘅形象都係乖乖女,但呢一次嘅角色好唔同,會比較性感同識用方法誘惑男人。而監制喺造型上都幫咗唔少手,我都用咗好多時間去研究對白嘅語氣、節奏同一啲小動作,盡量做到由骨子里散發出性感。“

唔理點樣,我哋都係好希望蔣家旻可以有新嘅突破,都祝佢可以早日做女主角!

Like MisshkNews Facebook!不出门也能知天下事~

發佈回覆

你的電郵地址並不會被公開。