「TVB小花」晒15歲貼紙相,真係越大越靚女

「TVB小花」林凱恩(Iris)喺TVB熱播劇集《愛回家之開心速遞》中飾演譚育英備受觀眾歡迎,即使之前有不雅照流出,仲係無礙佢嘅人氣。

呢日,林凱恩喺社交平台曬出一張15歲貼紙相,真係認出帶眼鏡嘅竟然係佢,網民紛紛留言:「女人十八變」、「差啲唔認得」,網民更都唔畀面噉話:「細個唔靚大個靚!」。

之前林凱恩拍劇都有唔少學生look,同真實15歲嘅佢相差甚遠。

講到林凱恩,其實現年28歲嘅林凱恩喺2015年參加香港小姐競選,雖然落選港姐,但都攞到咗當時嘅友誼小姐好成績。

喺選港姐嘅時候就有好多網民留意到林凱恩,因為林凱恩同前TVB當家花旦佘詩曼生到好似樣,紛紛稱其為「翻版佘詩曼」。

前港姐有「小超人」做後臺,事業愛情兩不誤| 香港小姐新聞

林凱恩入行五年嘅時間,就已經喺多部重頭劇中嶄露頭角,好似《幕後玩家》、《降魔的》、《降魔的2.0》等等,不過真正上位嘅作品仲係處境劇《愛回家》。

較早時林凱恩喺《降魔的2.0》飾演大反派,獲得唔少網民大贊其演技精湛,希望TVB可以畀佢多啲嘅機會。

冇过幾耐,林凱恩又有一部新劇《逆襲人生》(暫名)即將開拍,呢次將會同譚俊彥、劉佩玥、鄧佩儀等主演。喺呢部劇林凱恩飾演一位大地產嘅千金,喺外國讀書回流係一個敢愛敢恨嘅角色。

事關林凱恩朝早為《愛回家之開心速遞》開工,而夜晚就喺劇組《逆襲人生》開工,對于一日拍兩部劇集,林凱恩并冇覺得辛苦,反而話自己噉楊更似一個演員。

唔理點樣,都係希望林凱恩喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。