「TVB小花」曬唯美大肚照,直言唔會退出娛樂圈

日前,「TVB小花」譚凱琪喺社交平台宣佈懷孕喜訊,仲留言表示:「自己睇住個肚開始變大,食量開始變多,行路開始變慢,體重開始增加,慢慢噉感受到BB嘅存在,有種莫名嘅感動。」

即將升呢做靚媽嘅譚凱琪,呢兩日心情特別好,今日佢喺社交平台再曬出佗B寫真靚相,見到佢著住白色羽毛紗裙,喺夕陽嘅映照下仙氣十足,好有意境感。

現年38歲嘅譚凱琪以及進入TVB有7年,要講呢幾年佢嘅代表角色,梗係要講《大帥哥》中嘅天驕,以及《降魔的2.0》嘅海魔Thalassa。

譚凱琪仲喺《降魔的2.0》中一人分飾三角,除咗海魔之外,仲有阿花、同降魔人天宇之妻允瑩。三個角色性格各不相同,但譚凱琪都詮釋得好好,網民更大贊佢係TVB最美反派。

今年3月份,譚凱琪同拍拖八年嘅有米男友莊日宇結婚,之後宣布辭演兩部新劇,其中一部《BB大晒》已經試好造型,但佢就以身體健康為由宣布辭演,當時已有唔少傳聞指佢有咗嘅消息,指有好消息嗰陣會公布。

而家計算返日子,其實當時譚凱琪應該已經係有咗,但係因為傳統未夠三個月驚BB小氣,所以唔公布住先。

譚凱琪呢幾年事業開始有咗好轉,唔少網民都擔心佢結婚之後,或者升呢做媽咪之後會退出娛樂圈,好彩較早前佢表示結婚之後唔會退出娛樂圈,佢話自己而家仲後生,仲想繼續做嘢。

而家譚凱琪喺TVB嘅庫存仲有《愛美麗狂想曲》以及《失憶24小時》,期待呢兩部劇集可以盡快出街,都祝福佢哋一家幸福美滿。

Like MisshkNews Facebook!不出门也能知天下事~

發佈回覆

你的電郵地址並不會被公開。