「TVB小花」曬腳仔照報喜,宣佈正式升呢做媽咪

「TVB小花」譚凱琪喺今年6月30日高調宣佈大肚,佢留言表示:「你嘅一切即將成為我嘅一切」,充分流露出譚凱琪對BB嘅愛以及即將做媽咪嘅喜悅。

呢日譚凱琪就喺社交平臺曬出囡囡腳仔照報喜,仲話B女出世嗰陣重6磅8,不過佢好快就將貼文刪咗!

之后譚凱琪再喺社交平臺宣佈囡囡BabyG出世嘅消息,佢以居家度假嚟形容呢個過程:「呢個係我難忘嘅旅程。兩個人入住,三個人Check out。多謝大家嘅祝福。呢個行程計劃咗十個月!」 譚凱琪好姊妹龔嘉欣接受訪問時表示:「真係替譚凱琪開心,最緊要媽咪同BB健康平安,之後會約埋陳凱琳、沈卓盈去探佢哋。」

講到譚凱琪,其實佢曾經遠赴日本留學,之後喺2000年簽約小室哲哉公司,并去到東京受訓4個月,之後推出首張CD《全力愛》,但後尾曝光率越嚟越少,最終返香港發展。

出道初期,譚凱琪曾經同宜家楊千嬅嘅老公丁子高拍過拖,後來喺2002年分手。

浮沉幾年,譚凱琪先開始恢復幕前演出,2007年到2013年係香港有線電視經理人合約藝員,大多數主持旅游節目,不過一直冇代表作,觀眾對佢認識唔深。

直到2013年轉投TVB,可謂佢事業上嘅轉折點,洪永城、黃翠如、陳貝兒同李佳芯等人都係前有線電視藝人,加入TVB之後都發展得唔錯,譚凱琪就畀外界視為TVB發力最遲嘅有線幫。

2016年,譚凱琪喺《EU超時任務》飾演李姿婷(水晶梨)一角成功彈起人氣急升,佢嘅演員路喺34歲嗰陣先開始,無疑係最遲。

之後譚凱琪憑借喺《踩過界》中大膽演出,出色表現令佢奪得《TVB馬來西亞星光薈萃頒獎典禮 2017》最喜愛TVB飛躍進步女藝員殊榮,可惜佢攞過嘅獎就只有呢一個。

譚凱琪事業順利,愛情同樣得意。今年年頭譚凱琪喺社交平台曬出唯美婚紗相,并發文正式宣佈同拍拖八年嘅富贵男朋友結婚,兩個人正式入紙申請注冊結婚!

講到畀指嫁入豪門,譚凱琪話:「其實我哋都係踏實嘅人,都好低調,可能之前有傳媒寫過一次,所以大家都噉寫。」問到之後係咪做少奶奶嘅時候,佢話:「我會繼續做落去!而家仲咁後生!」

唔理點樣,都係希望譚凱琪喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *