「TVB小花」曬靚衫,竟然畀網民爆笑…

「TVB小花」譚嘉儀經常喺社交平臺分享靚相、新造型,呢次佢曬出錄影《流行經典50年》嗰陣著嘅新衫,佢以白色連身透視裙現身,若隱若現勁錫士。

連「TVB小花」江嘉敏都忍唔住留言:「Wowowowowowowowowo😍😍😍😍😍😍」,主持許文軒都大讚佢條裙靚,留言「套衫真係好正👍🏻」。

譚嘉儀即回:「明㗎啦,only套衫」。最攪笑有網民覺得佢條裙似用廁紙卷出嚟,亦有人讚佢錫士,覺得佢條裙好似透視又好似唔係。

講到譚嘉儀,其實佢係2011年《超級巨聲3》嘅季軍,佢亦為TVB好多嘅劇集都有唱過主題曲,好似《不懂撒嬌的女人》中嘅《陪著你走》,《大醬園》中嘅主題曲《小幸運》、《金宵大廈》中嘅《今宵多珍重》等等。

呢幾年譚嘉儀向劇集方向發展,而家佢正在為TVB新劇《七公主》緊張拍攝當中,雖然譚嘉儀就唔係7位公主之一,不過佢都有唔少戲份。

日前,譚嘉儀為《七公主》獻出咗第一次,佢同戴耀明上演咗親熱戲,由于劇情需要,戴耀明更加係叫聲連天,認真攪笑。事後譚嘉儀笑稱自己「濕曬」,原來係因為車中太悶太熱。

唔理點樣,都係希望譚嘉儀喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。