「TVB小花」曾淑雅無懼歲月,自信曬表情紋

「TVB小花」曾淑雅(Jumbo)曾經喺《陀槍師姐2021》飾演女警Jackie,可能對好多觀眾嚟講好陌生,其實佢唔經唔覺已經入行10年,憑Fit爆身形及一雙長腿,加上形象健康,成功俘虜唔少宅男。

不過女神都會老,現年30歲嘅曾淑雅就喺社交平臺探討青春逝去嘅問題,佢仲笑言無懼歲月,仲自信曬出表情紋,雖然係多咗幾條表情紋,但網民都紛紛留言話佢有排靚,一啲都唔使擔心。

講到曾淑雅,其實佢本身係一個模特兒,2011年入行初期曾經以青春女子組合「Mi55」身份推出寫真,其中羅彩玲、曾淑雅分別就彈起活躍于娛樂圈。

當時19歲嘅曾淑雅更勇奪中國小姐(香港賽區)冠軍、「最具人氣獎」、「最上鏡小姐」,成為三料冠軍。

第二年,曾淑雅更開始參與幕前演出,分別參演過《懸紅》、《超級經理人》、《風暴》、《PG戀愛指引》、《失戀日》,2017年更喺《空手道》飾演性感空姐。

直到2020年,曾淑雅就加盟TVB,第一個亮相嘅節目就係出產過唔少「女神」嘅《3日2夜》,同時佢也參演過TVB劇集《香港愛情故事》。

《陀槍師姐2021》出街之后,有網民投訴TVB大材小用,浪費咗曾淑雅嘅優點。佢就話:「呢次雖然唔係好多戲,但都係我啱啱入公司嘅第三套劇,對新人嚟講,真係唔算少啦。」

曾淑雅仲話:「我唔會抗拒拍攝性感場面。」,睇嚟女神為咗上位,真係豁出去。唔理點樣,都係希望曾淑雅喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *