「TVB小花」死過翻生,差啲連人帶車跌落懸崖

「TVB小花」劉佩玥(Moon)呢排忙住拍攝TVB新劇《把關者們》,尋日佢揸車到外景場地,準備匯合丁子朗開工嗰陣,點知道仲未開工就差啲出事!

事后,劉佩玥喺社交平臺曬出黑白照,圖文并茂表示差啲連人帶車跌落懸崖,好彩丁子朗及時叫停,先未至於搞“出事”!

今日劉佩玥接受記者訪問,直言感謝丁子朗英雄救美,而且冇諗過會收到海量擔心留言,啲姊妹車輪戰轟炸我,蔣家旻笑我又做傻事,何雁詩就問我搞乜!

傾到事發經過,劉佩玥就話:「尋日天未光就開工,當時揸車到達目的地要倒車,當時倒后鏡同雷達都發現唔到任何嘢阻擋,但冇幾耐就見到丁子朗喺車旁邊好大力咁用手揮動。」

劉佩玥話:「開始仲以為丁子朗同我say hi,所以停一停想回應佢,點知佢就大叫我唔好再倒車,把聲大到我隔住玻璃聽到,我先至如夢初醒,真係差啲連人帶車跌落懸崖!」

講到劉佩玥,其實佢入行之前做過模特兒同空姐,之後喺2013年參加《香港小姐競選》勇奪季軍入行,佢由主持做起,之後首次拍攝《四個女仔三個BAR》開始慢慢上位。

直到劉佩玥喺《幕後玩家》飾演黃宗澤嘅二奶,有別于之前乖乖女嘅形象,入木三分嘅演技,讓人又愛又恨,畀網友封為史上最強小三,同時睇到劉佩玥演技上嘅進步,前途無可限量。

入行7年,劉佩玥更畀指係不受TVB力捧,而憑自己嘅演技彈出嘅藝人!

劉佩玥平時工作之餘,有時間都會出一下書,佢就曾經試過自駕游去美國,制作佢嘅文字相冊《我的微笑之道》。

制作嘅每一個環節,從構思、服裝、統籌、策劃到路程設計,劉佩玥都係親力親為,更加不惜花費6位數,嚟完成自己嘅夢想,希望喺繁忙嘅工作中能夠抽空完成自己嘅夢想,放空一下自己。

唔理點樣,梗係希望劉佩玥可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。