「TVB小花」殺入劇組,處女劇扮演學生妹

「TVB小花」王虹茵(Sharlene)除咗主持TVB熱播節目《#後生仔傾吓偈》、《ThinkBig天地》之外,呢排佢更跳出綜藝節目殺入劇組。

王虹茵首次參與拍攝TVB新劇《青春不要臉》,處女劇中佢以學生妹造型亮相,夠曬青春。

講到第1次拍劇,王虹茵話:「拍劇同做綜藝節目好大分別,綜藝最緊要係搞好氣氛,同拍檔夾好已經好好睇。但做戲就要揣摩角色,第1次拍劇真係好開心,每次拍群戲,見到大家都好投入角色,覺得好正。」

王虹茵又講到自己拍劇經驗尚淺,唔識得埋位嗰陣會留意前輩點樣演繹角色、鏡頭會點樣拍攝,第一次拍劇學到好多嘢,希望將來拍劇會發揮得更好。

Like MisshkNews Facebook!不出门也能知天下事~

發佈回覆

你的電郵地址並不會被公開。