「TVB小花」為咗傳宗接代,畀逼推劇安胎

「TVB小花」譚凱琪(Zoie)呢排先後有《降魔的2.0》同《飛虎之雷霆極戰》出街,人氣一時無兩。而飾演海魔嘅譚凱琪造型百變,造型一度搶眼過女主角黃智雯,佢更畀網民封為「最美魔女」。

譚凱琪正處于上位階段,不過佢最後選擇咗家庭,今年三月份佢同有米男友莊日宇(Enrico)結束八年愛情長跑,由于受到疫情影響婚禮畀無奈取消,改喺香港低調完婚,譚凱琪正式成為幸福人妻。

不過都有傳聞讲到譚凱琪雙喜臨門成功大肚,事後佢否認有咗,仲話婚期早就定咗,但真相原来佢喺新劇《BB大晒》試造型之後,又以屋企有事推劇,有指佢要停工安胎。

日前,見到譚凱琪喺老公莊日宇同家姐譚凱欣陪同下出街,身穿吊帶裙襯平底涼鞋,雖褸上絲巾遮肚,但依然見到佢肚凸凸,目測已經有咗4、5個月。

譚凱琪為老公傳宗接代甘愿暫時放棄演藝事業,雖然佢揚言結婚之後會繼續幕前工作,唔會引退做少奶奶,不過夫家就另有諗法。

早年前,譚凱琪已經畀夫家催婚生仔,不過眼見自己努力咗咁多年先開始有成績,好多監制畀機會佢,佢想畀自己多啲時間努力,所以有共識延遲結婚。

有米老公莊日宇雖然係金融才俊,但家底豐厚,拍拖到而家待譚凱琪如珠如寶,生活上照顧周到,2015年佢買入1500萬豪宅筑愛巢,另外譚凱琪平日駕駛嘅50萬Benz名車,都係男友家族名。

呢次造人成功,可能譚凱琪都會好似好姊妹陳凱琳一樣繼續生完又生,無限期押後復出啦,話曬年紀已經擺喺度,TVB再點樣無人都唔會將佢捧到攞視後,加埋年年都有港姐,捧後生港姐更加好。

Like MisshkNews Facebook!不出门也能知天下事~

發佈回覆

你的電郵地址並不會被公開。