「TVB小花」為好姊妹補過生日,有心唔怕遲!

「TVB小花」譚凱琪楊秀惠喺《大帥哥》中分別就飾演張衞健兩位姨太「天嬌」同「艾妞」,劇中佢哋不斷明爭暗斗,但現實卻因為劇集結緣成為好姊妹。

舊年楊秀惠返馬來西亞秘密生女,仲撞正疫情逗留喺當地,到今年頭先返香港。

由於譚凱琪、楊秀惠都做咗媽咪同埋要兼顧工作,所有佢哋相隔半年卒之有時間聚埋一齊,譚凱琪仲趁機為上個月生日嘅楊秀惠慶祝生日。

見到佢哋隔空玩錫錫之餘,譚凱琪仲喺社交平臺大曬靚靚合照,留言送上祝福話:「我哋一起成長、一起經歷、一起學習、互相勉勵、互相扶持、願你每天都幸福快樂。」

而楊秀惠留言話:「友誼係兩粒心真誠相待,唔需要專登去迎合,只要做返自己,就算唔經常見面,再見面嗰陣都一如往昔,呢種感覺真係好。」

唔理點樣,都係希望譚凱琪、楊秀惠喺之後嘅事業上可以有所成就,期待佢哋嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。