「TVB小花」為新劇角色大改造,同6年長髮告別

「TVB小花」姚子羚(Elaine)呢排為TVB新劇《拳王》角色大改造,佢將留咗6年嘅長髮剪咗,仲專登喺社交平臺拍片紀錄成個過程。

姚子羚剪完頭髮仲話:「為咗新角色,留咗六年的長髮終於要剪啦~💇🏻‍♀️😅雖然有啲唔捨得~不過唔緊要啦,換個新形象~等拍完再留過啦⋯⋯Bye Bye 頭髮」

講到姚子羚,其實佢入行18年鮮有緋聞,呢幾年佢獲得TVB力捧成為新花旦,今年仲擔正做《黃金有罪》、《大步走》劇集女主角,事業上尚算成功。

但係感情一事仲一直空缺,姚子羚曾經同闊少鄭子邦拍拖三年,兩個人經常喺社交平台曬恩愛且已同居,當大家以為佢哋可以好事近可以結婚嘅時候,兩個人突然喺2018年3月宣佈分手。

不過佢哋分手之后仲係朋友,姚子羚當時發文指:「仲會彼此關心、支持、愛護對方,一段關係嘅結束唔代表就係結束,愛其實可以有更多唔同嘅方式,我相信無論大家係乜嘢關係,仲會守護祝福對方。」

2019年5月姚子羚畀傳媒爆料,指佢秘戀好姊妹Sarika(蔡宛珊)老公Raymond Young,指兩人已經秘密拍拖一段時間,當中更加涉及四角關係。

不過之后姚子羚澄清否認佢做小三搶好姊妹老公,更表示驚訝自己被拍床照,又自爆已經同Raymond散咗!

雖然姚子羚情路坎坷,但相信充滿正能量嘅佢,一定可以揾到一個真正欣賞佢嘅男生!

Like MisshkNews Facebook!不出门也能知天下事~

發佈回覆

你的電郵地址並不會被公開。