每年TVB臺慶最令藝人期待以及興奮，莫過於係終極大抽獎環節，今年更由20歲「TVB小花」邱晴獲得總值52萬嘅獎金獎品（30萬理財存款戶口）。
2019年臺慶終極大獎得獎者邱晴（Mandy）接受訪問時話：我首先會請Think Big同事收工一齊出去食飯，唔會喺飯堂食，會出去食，其實已經有好多人打來叫我請食飯啦。
當邱晴同媽咪講中咗臺慶獎，初時媽咪估我中咗幾千蚊，後尾我講一萬，媽咪仲叫我畀佢，我講好啊，其實媽咪仲未知道我中咗52萬呀，我而家好似發咁夢。
其實邱晴喺2017年17歲嗰陣參選港姐，最後可惜落選港姐，但之後喺Big Big Channel中獲得「落選港姐冠軍」，都算係一份肯定。
邱晴現時冇太多拍劇經驗，但喺《 美女廚房》一眾美女學徒中頗為亮眼，後生細女，前途無量！
唔理點樣，都係希望邱晴喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
