「TVB小花」生日獲神秘人送花獻殷勤,希望接父母嚟香港住

今日係「TVB小花」朱晨麗(Rebecca)嘅32歲生日,日前有神秘人預早為佢慶祝生日,唔止安排一場浪漫西餐,又送玫瑰花同蛋糕,令朱晨麗冧到暈!

不過對于神秘人嘅真正身份,朱晨麗堅決唔肯透露,未知係咪要保護愛苗,佢話:「我當然唔會講畀大家知佢係邊個,保持神秘好啲,就稱呼佢做神秘人啦!」

曾經透露鐘意收花嘅朱晨麗,坦言估唔到神秘人相當有心思,佢話好有驚喜「我最鐘意花,又鐘意收花,呢個係玫瑰花,蛋糕又玫瑰花蛋糕,好正。」

至於生日愿望,朱晨麗透露希望身體健康,新劇《多功能老婆》收視佳之外,希望接父母嚟香港住,所以我要努力儲錢,換個大啲嘅單位,令父母可以住得舒服。

發表回覆

你的電郵地址並不會被公開。