「TVB小花」畀笑臺慶造型老積,曬另一造型相….

TVB臺慶雖然已經過咗幾日,但仲有唔少藝人喺社交平臺分享盛裝出席嘅靚照,今日「TVB小花」江嘉敏就分享當日一金一黑兩個造型嘅相,其中以金色為主調嘅造型畀外界評為“大失手”,狠批造型老積。

而江嘉敏就留言為自己平反:「靚唔靚,取決於你喺乜角度拍攝。啱唔啱,取決於你想企喺乜角度去睇件事。」

睇嚟江嘉敏為呢個造型都付出唔少努力!

此外,江嘉敏指其實自己更鍾意另一個黑色晚裝造型,以Tube Dress上陣嘅佢女人味十足,但江嘉敏就大嘆冇乜人睇到!

江嘉敏話:「表演套衫就係金色,我自己就鍾意黑色。可能我真係太矮,得165cm,所以企係第二排淨係見到我個頭,冇乜人見到我換咗套衫。??下年我一定要每個人都見到我!?????」

江嘉敏又攪笑話:「有朋友提議我買定個箱帶出街隨時企高啲?」

有唔少藝人好友,例如馮盈盈、陳曉華都留言大贊江嘉敏好靚,仲有網友指造型似足“黑魔後”,又留言力撐:“等你下年企喺前排啦,加油呀!”

發表回覆

你的電郵地址並不會被公開。