「TVB小花」白雲成日都會喺社交平臺大派福利，會曬泳衣相、睡衣相，連平時嘅裝束都係好性感，網友like爆之餘，亦引來唔少核凸網友埋身。
日前，白雲喺社交平臺自曝，有人揾佢以2000蚊買bra，白雲仲話：「笑死人，大家覺得我賣好定唔賣？其實，你買嚟做乜，I don’t care，但係先2000蚊，cheap爆，你畀我200000蚊我就賣你，你信嗎？」
隨后，白雲再曬出網友嘅回覆，有人提議：「梗係賣啊，是但買一個新嘅再賣畀佢，將啲錢攞去捐做善事都好。」亦有唔少網友覺得對方太「核凸」：「條友係咪有病ga，傻得可憐。」 
面對無理嘅要求，白雲冇嬲反而覺得好攪笑：佢留言「希望大家明白我講乜，我會譴責佢唔尊重，但并唔係認為有各式各樣嘅幻想係「有病」，大家互相尊重，開開心心就好。」
2016年白雲嫁畀富二代建築師江俊霖，結婚之後佢持續分享好身材。
不過上個月白雲透露自己遭遇騷擾，不甘沉默嘅佢，決定喺網上公開惡行同嫌犯嘅相。
白雲仲留言話：「任何令你不舒服嘅行為都唔需要啞忍，而且又唔係女生做錯嘢，希望未來女生都可以勇敢為自己嘅權益企出嚟。」
Like MisshkNews Facebook！不出门也能知天下事～
