「TVB小花」陳偉琪舊年10月份酒後犯錯，涉嫌酒後駕駛同的士相撞，被控以一項酒後駕駛罪，事後陳偉琪表示：「一定擔心，不過都交畀律師處理，自己之前喺屋企都有反思，自己都有改進，呢段時間都有戒酒。」
案件押後到2月5日繼續聆訊，陳偉琪仲為自己頒下禁酒令，但尋日有傳媒爆出睇到陳偉琪似乎已經破禁酒令，仲喺灣仔激偷啜外籍西裝男。
喺相中見到臺面上有啤酒，陳偉琪嘅禁酒令似乎已經失效，而帶有醉意嘅陳偉琪同外籍男四目交投，視線完全冇離開過對方。
陳偉琪更主動出擊將外籍男逼到墻邊，再慢慢靠近對方，有靚女主動投環送抱，西裝男將目光投注喺陳偉琪個心口度，兩人拖著手激咀，毫不介意人哋目光。
但係陳偉琪本身有一個拍拖3年嘅健身教練兼老板男友Billy Tam，兩人多次喺公開場合畀拍到拍拖。
而身為咪神嘅陳偉琪裙下之臣又點會得一位，經常畀拍到同其他異性拍拖，今次佢同外籍西裝男喺街頭激錫，親密程度比以往更激，未知會唔會影響同男朋友嘅關係呢？
Like MisshkNews Facebook！不出门也能知天下事～
