「TVB小花」終於傳出好消息,個肚一日比一日大

現年38歲嘅「TVB小花」譚凱琪今年三月份同富二代莊日宇正式拉埋天窗,升呢做人妻,較早時佢更畀傳媒影到喺老公同家姐譚凱欣陪同下「肚凸」行街。

見到譚凱琪著上鬆身衫平底鞋孕味極濃,更有消息譚凱琪因為有咗所以突然辭演《BB大晒》并請大假,當時佢接受傳媒訪問時稱:「暫時未有嘢公布住呀,多謝大家!」

過咗未夠一個月,譚凱琪今日終於傳出好消息,佢現身社交平臺曬同老公嘅剪影合照,并公布有喜!

譚凱琪留言話:「因為身體不適、呼吸困難、容易疲倦、有幾聲咳仲以為自己感染咗新冠肺炎,而去做了深喉測試,好彩測試結果係陰性,後尾先發現原來呢啲都係大肚初期嘅癥狀。」

譚凱琪仲話:「睇住個肚一日比一日大,食量一日比一日多,行路一日比一日慢,體重一日比一日增加,慢慢感受到你嘅存在,有種莫名其妙嘅感動,喺呢段時間我會加倍小心,之後我亦會盡最大嘅努力去保護你,因為你嘅一切即將成為我嘅一切。」

事後記者致電譚凱琪,佢表示:「要交代都交代咗喇,我無秘密喇,一身都輕鬆曬!」

Like MisshkNews Facebook!不出门也能知天下事~

發佈回覆

你的電郵地址並不會被公開。