「TVB小花」自曝童年悲慘,淪落街頭做乞兒

現年28歲嘅「TVB小花」林穎彤自曝童年悲慘,一歲幾畀生父拋棄,林媽咪獨自撫養兩個女,喺巨大經濟壓力之下無計可施,唯有抱住林穎彤做乞兒度日。

其實林穎彤十幾歲嗰陣已經成為童星,佢憑借喺亞視劇集《萬家燈火》而為人認識,當時佢同媽咪亮相鮑起靜主持嘅電視節目親述身世,而呢段18年前嘅片段呢排再次被翻炒。

正忙住重拍經典劇集《十月初五的月光》開工嘅林穎彤,佢話:「條片咁多年再度重現網上好驚。」

林穎彤仲話:「呢個係我成長經歷,令我更加覺得人生好難得,我會好珍惜同感恩身邊有媽咪,仲有好多愛我嘅人,所以我會努力做嘢,唔辜負媽咪咁辛苦養大我。珍惜每一個幫過我、提攜我嘅人,多謝大家對我嘅關心同厚愛。」

其實林穎彤喺入行初期收入唔穩定,林穎彤曾經喺眼鏡店做售貨員,更曾經因為住公屋而抬唔起頭做人,不過為咗養家,幾辛苦都要捱落去。

2016年林穎彤喺《城寨英雄》中飾演悲慘孖辮妹李懷鑫(鑫鑫),正因為身世同劇中角色相似,爸爸嘅陰影讓佢演活咗呢個角色,成功入屋,之后工作機會接踵而來。

之后林穎彤喺2017年加盟星夢娛樂同時發展歌唱,2019年佢更奪得新城勁爆頒獎禮《勁爆新人獎》同2019年度勁歌金曲頒獎典禮《最受歡迎新人獎》等多個獎項。

唔理點樣,希望林穎彤喺演藝路上繼續發光發亮,相信佢嘅事業發展得越嚟越好,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。