「TVB小花」被迫離開人氣節目，由人氣港姐頂上

TVB人氣節目《學是學非》除咗可以增長冷知識，最緊要係由一班有活力嘅女藝員主持，節目受歡迎亦令到節目主持女人氣急升，例如最佳例子，就有視後李佳芯。

而原定今日舉行第七季《學是學非》開拍記者會，但最後因為社會問題取消，不過都公布咗本季主持陣容，梁嘉琪同湯洛雯將唔會喺本季出現。

湯洛雯較早前接受訪問，表示相當唔舍得呢個節目，佢話：「其實呢個諗法都計劃咗好耐，我都係大師姐，可能唔係固定班底，但有需要我，我都會返嚟幫手，始終呢個節目係我恩公。」

而湯洛雯同梁嘉琪離開，就換來有美人魚之稱嘅2018年港姐何泳芍同TVB力捧嘅陳詩欣加盟。