「TVB小花」解封在望,網民熱烈期待

「TVB小花」陳偉琪舊年因為醉駕,之后又畀記者爆出夜蒲咀鬼佬而畀TVB雪藏,所以佢喺深受觀眾歡迎嘅《愛回家之開心速遞》中消失。

雖然一直有傳陳偉琪獲解封,但都得個傳字,不過呢日佢竟然喺《愛回家之開心速遞》劇組外景現場現身,令一眾粉絲喜出望外!

原來已經被雪藏接近8個月嘅陳偉琪,當日咁啱路過,佢仲不忘舉起手機拍攝,睇上去佢好似有份拍攝一樣,鏡頭後3人更拍下合照留念。

 網民即時反應強烈,問到陳偉琪係咪專登嚟探班,另外更希望陳偉琪盡早回歸二房戰隊,因為二房冇咗佢,戰斗力、詭計都不如以前,想二房三人組合再攀高峰!

講到陳偉琪,其實佢入行到而家已經有6年時間,佢同大多數藝人一樣,都係通過選美入行。曾經參加過2011年溫哥華華裔小姐競選嘅佢獲得咗亞軍、最上鏡小姐同最優雅模特獎。

後來陳偉琪喺2013年嘅時候再戰香港小姐,不過最後就可惜止步五強,未能進入三甲。

但係備受賞識嘅陳偉琪,喺選美結束之後就參加咗第七期藝員訓練班而成為TVB旗下藝人,雖然佢所飾演嘅角色多數都係一啲配角類型。

不過陳偉琪依舊認真對待,兼夾心懷感恩,直到憑借《愛回家之開心速遞》中飾演「細龍太」而終于捱出頭。

除此之外,陳偉琪仲演出過唔少作品,比如《我們的天空》、《陪著你走》、《拆局專家》、《警犬巴打》、《潮流教主》、《超能老豆》、《全職沒女》、《賭城群英會》、《超時空男臣》、《溏心風暴3》等。

唔理點樣,期待陳偉琪喺跟住嘅新劇《十二傳說》中精彩演出,也希望陳偉琪可以繼續畀我哋帶嚟多啲更精彩噶演出,加油加油!

Like MisshkNews Facebook!不出门也能知天下事~

發佈回覆

你的電郵地址並不會被公開。