「TVB小花」輕裝上陣,大晒孕肚

「TVB小花」湯怡麥秋成喺上個月啱啱拉埋天窗,宜家大肚4個幾月嘅佢,呢日佢喺社交平台曬最新孕照,見到佢以BraTop裝露腰上陣,大曬孕肚。

相中見到湯怡明顯腹部脹起,而且佢嘅上圍似乎比昔日澎湃,佢更自爆自從有咗之后,真係食肥咗唔少,而且咁咁大個女第1次著大碼衫褲,真系要紀錄一下先。

 另外,湯怡又曬出另一張靚相,相信係老公麥秋成為佢摣機,相當甜蜜。

講到湯怡,其實佢未入行之前係做模特兒,2006年參加《美女廚房》嘅美少女廚神選舉入行之後,2007年喺《寫意人生》飾演少女版黎姿,之後佢就轉向電影界發展。

不過入行初期,湯怡坦言自己性格慢熱,喺鏡頭前就會好唔自然,冇信心,即使公司曾經安排學唱歌跳舞,但都未有成功,所以佢自覺并唔係呢方面嘅材料。

湯怡更坦言都有過諗放棄嘅時候,想過搵一份穩定工作嘅念頭,不過佢未有放棄并變得努力,更向老師甄詠蓓學戲,終於喺2018年喺電影《某日某月》擔正做女主角。

感情方面,湯怡最令人有印象嘅應該係同洪卓立維持咗11年嘅戀情,二人昔日經常喺網上高調放閃,更屢傳婚訊,可惜2018年宣佈分手。

唔理點樣,都係希望湯怡喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *