「TVB小花」連續兩日現身賭王喪禮,復合戀情浮面

賭王何鴻燊喺5月26日因病逝世享年98歲,日前舉行出殯儀式,唔少何家親朋戚友,達官貴人到場送別賭王,而曾經同何猷亨拍拖嘅「TVB小花」陳瀅呢日都有出席,而且佢一連兩日都有出席何鴻燊喪禮。

加埋較早時陳瀅畀傳媒拍到同何猷亨,以及好姊妹何雁詩三人一齊到食肆用膳,令人懷疑佢同何猷亨舊情復熾。

而呢日都有傳媒問及陳瀅同何猷亨嘅感情問題,不過陳瀅就冇作出任何回應,而出殯儀式結束之後,何猷亨亦有陪住陳瀅離開。

其實陳瀅同何猷亨喺2015年拍拖嗰陣,四太已經大開綠燈大贊陳瀅好靚女,可惜佢哋拍拖未夠一年就掟煲收科,不過佢哋一直保持朋友關係,何猷亨得閑會摣車接陳瀅返香閨。

唔知道陳瀅係咪真係同何猷亨復合,無論點樣都係希望佢可以早日揾到自己嘅幸福,加油。

Like MisshkNews Facebook!不出门也能知天下事~

發佈回覆

你的電郵地址並不會被公開。