「TVB小花」飾演小三畀網友爆鬧,直言好開心大家追劇

「TVB小花」于淼今日出席劇集《多功能老婆》宣傳活動,提到佢喺劇中飾演霸道小三,于淼表示今次真係過足戲癮,不過都因為飾演小三太過真實,結果網友紛紛留言鬧爆佢。

不過于淼似乎就好開心,佢話:「網友話我好衰,但係我好開心。因為觀眾好投入睇劇,喺街上面都有人同我講好鐘意睇呢部劇,希望佢哋可以繼續支持《多功能老婆》。」

其實于淼已經加入TVB七年,佢曾經喺2012年參加《國際中華小姐競選》,落選後加入TVB,成為娛樂新聞台國語主持。

近年積極參與戲劇演出嘅于淼,雖然經驗不多,但亦有不少角色成功引起網民關注。當中包括喺《不懂撒嬌的女人》中同劉丹發展忘年戀,喺《逆緣》中飾演姜大衞嘅太太,被稱為「御用阿伯殺手」!

戲內係霸道小三,不過于淼就表示自己喺感情上屬於被動一方,佢透露已經單身半年,今年好期待喺圣誕派對度撞到Mr. right,不過都要睇緣份。

傾到擇偶條件,于淼笑言好相信感覺,希望另一半都信主,噉樣大家可以一齊進步,希望早日聽到于淼嘅好消息。

發表回覆

你的電郵地址並不會被公開。