「TVB小花」黃穎君低調離巢,轉行打月薪6萬政府工

「TVB小花」黃穎君憑借主持節目《東張西望》而成功為人認識,不過日後未必可以再睇到佢主持《東張西望》,皆因佢已經低調離巢,轉行打月薪6萬政府工,獲聘為民政事務局媒體主任。

事後,黃穎君喺社交平台曬出派散水餅嘅相,透露要「離隊」,佢話:「好好告別也是一種成長,怎料到有一天,我也會派散水餅,給這段美好回憶劃上完美的句號。」

講到黃穎君,其實佢曾經喺警察訓練學校受訓14周,因為想繼續學業而退出警隊,後來佢喺香港大學教育系同香港中文大學社會系畢業。

同大多數藝人一樣,黃穎君喺2012年參加過《香港小姐競選》,佢喺報名嗰陣由于同謝安琪外貌相似而備受關注,雖然最後落選港姐,但備受賞識嘅佢,喺選美結束之後就進入到TVB,開始發展其演藝事業。

比如《情逆三世緣》、《愛·回家》、《忠奸人》、《愛情食物鏈》、《超時空男臣》、《降魔的》、《福爾摩師奶》、《白色強人》等劇集,黃穎君都有份參與。

除此之外,黃穎君亦擔任多間慈善機構嘅活動大使,并熱衷參與社會服務義工活動同籌款活動。所謂心慈面善,相信黃穎君喺之後嘅事業上可以有所成就,加油!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *