「TVB御用師奶」出道同劉德華搭戲,年過五十歲仲未結婚

呢排TVB深宵時段重新播放《律政新人王》呢部經典劇集,每一個單元都有唔少綠葉演員演出,「TVB御用師奶」曾慧云喺其中飾演一位商店職員。

曾慧云喺1984年出道到而家,飾演過無數小人物角色,尤其以師奶、鄰居同多管閒事嘅八婆形象深入人心。

曾慧云喺1984年參加TVB第二期藝員訓練班,同期同學仲有劉德華、劉嘉玲、邵美琪等人,佢憶述當時大部分同學都仲未成年,都要由家長陪同簽約。

因為曾慧云爸爸鐘意外國星慧云李,所以佢嘅個名叫慧云,英文名Vivien。中學畢業嗰陣,啱啱電視播出由劉嘉玲、劉青云拍攝嘅招收藝員訓練班學院宣傳片,爸爸就叫曾慧云去投考。

曾慧云啱出道就被安排喺劇集《皇上保重》飾演皇后,對手係劉德華,對於一個新人嚟講算係一個好高嘅起點。

之後曾慧云好快就被安排飾演師奶呢類角色,當時佢內心好掙扎諗過不如轉行。好彩,喺事業低谷時期,男朋友一直喺身邊不離不棄,并經常安慰同鼓勵佢話:「只要你鐘意做戲,就唔好去介意演乜角色。」

雖然曾慧云擅長飾演師奶角色,不過現實生活中到而家佢仲都未結婚,佢同圈外男友拍拖到而家超過三十年,兩個人感情一直都好好,更認為一紙婚書唔重要。

同時,曾慧云喺現實生活中仲係一個孝順女,佢一直同阿媽住埋一齊,而家中所有嘅家務事都由佢一個人包辦。

除咗拍劇,曾慧云同男朋友曾經開咗一間寵物美容店,經營咗20幾年,舊年有感體力大不如前,先將業務結束。

早年,曾慧云攞過TVB綜藝節目《Sunday好戲王》頒發「另類好戲王」殊榮,雖然并非正式獎項,但已經足以證明佢嘅演技備受肯定。

最後,都係希望曾慧云之後嘅事業上可以有所成就,期待佢嘅表演!

發表回覆

你的電郵地址並不會被公開。