「TVB童顏人妻」180度拉筋,嚇親仔仔爆喊求救

「TVB童顏人妻」林芊妤,舊年5月宣布與拍拖三年嘅銀行高層男友翟志榮入紙結婚,同時仲大方宣布已經懷孕4個月。結婚之后同年10月份,林芊妤為富貴老公順利誕下愛子「翟伯伯」,正式升女做人母!

轉下眼,「翟伯伯」已經快滿一歲,身為人母嘅林芊妤成日都會喺社交平臺貼出靚相,同廣大粉絲網民分享自己嘅喜悅,以及紀錄仔仔嘅成長點滴。

不過,由于林芊妤本身係瑜伽師,好熱衷于瑜伽運動,就連喺懷孕期間,佢都經常做高難度動作,惹來唔少網民熱議。而仔仔出世后,林芊妤更加係火速收身,繼續佢嘅瑜伽生涯。

呢排,林芊妤又喺社交平臺咗咗一條短片,片中見到嘅佢身穿運動裝,頭攤喺一個外國人嘅腿上,而對腳就輪流畀呢個外國人以180度喺地下拉筋拉到頭部,真係睇到都覺得痛!

而喺旁邊嘅仔仔更加係即場捉緊媽媽,當堂爆喊。

據悉,林芊妤早于2008年獲TVB監制錢國偉賞識而加入TVB發展,入行以嚟佢曾經參演過多部TVB人氣劇集,一路貪靚嘅佢更曾經為角色不惜扮醜出鏡,演技深得觀眾認可。

2014年,林芊妤提前與TVB解約,正式結束咗與TVB長達6年嘅賓主關係。

發表回覆

你的電郵地址並不會被公開。 必要欄位標記為 *