「TVB綠葉王」公開抨擊,簽約TVB等同借大耳竉

「TVB綠葉王」李國麟直言TVB新開合約條款,無人性等同借大耳竉,因為TVB新條款一年六show,意思係公司每年只支付藝員六個騷嘅工資,即使你冇任何演出都可以獲得。

但條件可以喺出面做任何登臺同電影演出等,事前要通知同獲得TVB同意,但唔可以為競爭對手做嘢,即係電視臺,呢個新條款出來之後,就連一直以嚟對TVB忠心耿耿、任勞任怨嘅「TVB綠葉王」李國麟都不滿。

就李國麟本人都拒絕簽個合約,首先佢覺得唔公平,加埋佢有本錢,喺大陸佢除咗劇集、都有唔少網絡大電影嘅男二甚至係男一。

皆因李國麟拍攝嘅《天龍八部》飾演嘅鳩摩智,佢入行超過30年,到宜家依然係「TVB綠葉王」。

舊年臺慶劇《解決師》,李國麟戲份重同視帝王浩信都有好多對手戲。李國麟覺得TVB劇近年經常畀網友稱為膠劇,最大嘅問題係劇本,但佢覺得唔係編劇問題而係管理層。

因為一劇之本嘅問題,令到綠葉、配角冇發揮空間,劇本全部都係三角戀,四角戀之後就冇,所有故仔都集中喺主角身上,其余嘅演員只係做伴碟。

因為容易寫,編劇冇時間,唯有集中寫主角,有啲綠葉做咗十年,最重戲都係講三行對白,莫講演技提升,甚至令到佢哋嘅斗志越嚟越少。

發表回覆

你的電郵地址並不會被公開。