「TVB綠葉王」喺TVB做咗41年茄哩啡 , 曾經攞一寸厚玻璃割脈自殺

TVB綠葉王」嘅魯振順最近喺TVB劇集《婚姻合伙人》中飾演貝競支(高海寧飾)爸爸貝勒,因為角色惹人討厭而引觀眾關注。

角色定位爛賭,雖然曾經坐過監,但放監之後冇因此而改過自身,反而爭下巨債。

現實生活,身為「TVB綠葉王」之一嘅魯振順入行到而家捱足41年,中學畢業之後因為自細希望加入娛樂圈,所以參加第8期TVB藝員訓練班。

1978年畢業之後入行,曾經先後喺TVB同ATV演出,多年嚟拍劇無數,總共拍過逾140套作品,產量相當高,但系一直都系茄哩啡,未能一嘗主角滋味。

講到魯振順最令人印象深刻嘅,相信一定系佢所飾演嘅陰柔角色,1996年喺《笑傲江湖》中飾演嘅東方不敗一角。

除此之外,佢亦演出過多個經典角色,例如《封神榜》嘅比干、《楚漢驕雄》嘅蕭何都令人記憶猶新。

綠葉始終只能襯紅花,魯振順捱咗咁多年,眼見自己事業一直未有起色,一度情緒低落。

更因為長期睡眠不足,令情緒更加唔穩定嘅狀態下,曾經喺卡拉OK廳順手攞起一塊破碎嘅滅火箱1吋厚玻璃,對住手腕鎅落去,事後更留低一條深深嘅刀痕。

事後,佢開始信奉佛教,明白人生不如意之事十之八九,對事情唔好太執著。

就,魯振順亦唔再計較自己只做配角,另外曾經接受正統聲樂訓練嘅佢,認為自己可以得閑嗰陣有商演唱歌已經好滿足。

發表回覆

你的電郵地址並不會被公開。 必要欄位標記為 *