「TVB綠葉王」怪病纏身淡出娛圈,入行45年感嘆:出入畀歧視!

TVB較早前重播《法證先鋒》,而劇中飾演司機、現年69歲嘅羅浩楷已入行45年,系「TVB綠葉王」之一,可惜近年好少出現喺螢幕前,皆因三年前患上怪病而被逼無奈息影!

現年69歲嘅羅浩楷,70年代參加電影公司訓練班入行,與資深演員劉江為同屆訓練班出身,后來因為獲得導演朱克賞識而引薦加入TVB。

羅浩楷系圈中著名嘅扮嘢王,曾經喺綜藝節目《歡樂今宵》為觀眾帶嚟唔少歡樂,擅于模仿圈中藝人。

但系講到扮到最似嘅藝人就一定系啊Lam林子祥,皆因其神態,唱腔都似到十足!

由70年代起,羅浩楷喺TVB拍攝超過百部電視劇集,演出經驗豐富,期間,佢除咗系一位演員之外,仲系一位音樂老師同樂隊領班!而且,佢喺8、90年代,亦有投資多間酒廊。

可惜,2016年羅浩楷突然間身染頑疾,曾經喺訪問中表示某日瞓醒起身突然覺得腰部同頸部出現問題,而隨后更慢慢演變成90度駝背,更嚴重到失去自理能力!

患病初期,羅浩楷需要靠太太推輪椅出入同四出尋醫,面對突如其來嘅病,佢精神飽受困擾,而出街嘅時候有意拉低Cap帽同以手遮面,更曾經喺訪問中透露:「患病期間,坐的士出入都慘遭白眼……」

由于當時羅浩楷因為頸椎長期受壓而變曲,要戴上頸箍以固定,加埋行動不便,行路容易失去平衡,所以患病期間,太太一直喺身邊時刻照顧,不離不棄,名副其實患難見真情!

直至上年,羅浩楷表示自己已經可以唔使再戴上頸箍,但就唔可以企太耐,對于康復進度理想,羅浩楷笑指自己或者因為太太嘅一次次按摩而令佢突然間康復,但同時感激太太每日嘅貼身照顧同為其適時按摩。

然而,身體狀況大不如前嘅羅浩楷,最后一部劇已經系2015年嘅《東坡家事》,而2017年更與TVB結束合約後逐漸淡出娛樂圈!

雖然佢嘅淡出會系娛樂圈嘅損失,但仍希望羅浩楷早日好翻曬!

Like MisshkNews Facebook!不出门也能知天下事~

發佈回覆

你的電郵地址並不會被公開。