「TVB老戲骨」四千尺豪宅首次曝光,計劃移民新加坡做小生意

「TVB老戲骨」許紹雄呢幾年減產拍劇,有計劃喺新加坡過退休生活,許紹雄嘅太太龍嬿係新加坡人,一家人經常往返兩地,日前許紹雄以2300萬港紙喺義順區買入三層半高獨立屋豪宅。

對于呢間豪宅,許紹雄就話:「好舒服,好高」。

許紹雄仲透露宜家已經有咗新加坡永久居民身份,并正申請做新加坡公民,主要係因為未來嘅重心會擺新加坡,諗住先由小生意做起,例如賣珍珠奶茶都得。

講到許紹雄,其實佢呢幾年嘅劇集《使徒行者2》、《鐵探》、《多功能老婆》都可以見到佢嘅演出。

許紹雄仲有一個花名叫做Benz雄,因為佢後生嗰陣開Benz返公司拍戲,所以人人都叫佢Benz雄。
許紹雄喺2014年大熱警匪劇《使徒行者》飾演歡喜哥,角色非常之經典,因此呢幾年都有好多網友叫佢歡喜哥。日前許紹雄有份主演嘅《使徒行者3》都已經殺青,可能呢部劇都係歡喜哥退休之作喇。

Like MisshkNews Facebook!不出门也能知天下事~

發佈回覆

你的電郵地址並不會被公開。