「TVB老戲骨」生日同屋企人開心飯聚,稱支持囡囡加入娛樂圈

TVB呢兩年推出嘅「一年一show」合約,導致有唔少TVB藝人紛紛約滿離巢,因為呢個合約直接令藝人嘅商演工作大減,收入都大減,無法維持正常生活。

當然有人離巢都有人回巢,「TVB老戲骨」文雪兒呢幾年就獲TVB力邀回巢拍劇,從2017年拍攝咗《溏心風暴3》、《逆緣》、《包青天再起風云》、《解決師》,仲有《黃金有罪》都可以見到佢嘅演出。

雖然好耐未拍劇,但文雪兒演技功力卻未見減退,佢喺《黃金有罪》中飾演姚子羚、陳瀅媽咪,角色入型入格,演技更獲得觀眾激贊。

其實文雪兒早喺70年代開始就加入娛樂圈,當時佢仲未夠16歲,已經係邵氏武俠片首選花旦。

文雪兒甜美樣貌令佢古裝美女角色形象深入民心,仲同哥哥張國榮合作拍《浣花洗劍錄》成為螢幕情侶。

不過文雪兒喺1991年宣佈息影娛樂圈,直到2013年參演《巨輪》先慢慢復出幕前。

日前(3月1日)係文雪兒60歲生日,佢選擇同現任老公袁慧明,以及同前夫所生嘅兩個女Christy同Jennifer一齊食飯慶祝。

之后文雪兒喺社交平台留言話:「另一半同兩個女為我安排海景晚餐,Christy更親手整咗個生日蛋糕,雖然人少,但係超級開心,我祝愿人人健康,世界和平!主恩常在。」

文雪兒兩個女都生得好靚女,而文雪兒都保養得宜,三母女合照時似姊妹多過母女,問到保養秘訣,文雪兒就表示要保持心境開朗,早睡早起,多飲水。

至於問到會否抗拒囡囡加入娛樂圈,文雪兒就表示自己係一個開明媽咪,女大女世界,只要個女鐘意,自己都會畀空間畀佢哋去自由發展。

Like MisshkNews Facebook!不出门也能知天下事~

發表回覆

你的電郵地址並不會被公開。