「TVB老戲骨」70歲大壽，發文感恩自己尚算健康

作為娛樂圈嘅老前輩，「TVB老戲骨」李司棋喺娛樂圈打滾咗52年，演出經典作品無數，講到呢幾年必定係《溏心風暴》系列令人最為熟悉。

講到李司棋，佢後生嗰陣係參選香港小姐進入娛樂圈，佢經常會喺社交平臺曬出後生嗰陣嘅相，網民睇到之后激贊當年嘅李司棋完全唔會輸畀現時嘅後生一輩女仔。

唔經唔覺聽日就係李司棋嘅生日，一眾朋友提前替佢慶祝生日，李司棋喺社交平臺曬出幾張相，其中一張見到佢攞住70呢個數字。

李司棋話：「70歲嘞，happy birthday to me！感恩自己尚算健康，感恩有好朋友幫自己慶祝。祝大家都生活愉快，身體健康！」，網民激贊李司棋完全唔似70歲，更覺得佢少女感十足，依然好有活力。