「TVB花旦」低調為囡囡舉行百日宴,正面大照曝光!

「TVB花旦」楊怡喺今年四月底生落囡囡“小珍珠”,B女唔經唔覺已經三個月大,由於疫情越來越嚴峻,羅仲謙、楊怡決定低調搞百日宴。

呢日,羅仲謙同楊怡喺社交平臺曬出為囡囡慶祝出世百日照片,見到蛋糕上面寫上囡囡英文名Hera,而楊怡手抱囡囡嘅正面照亦首次曝光,楊怡更公開囡囡中文名叫羅翊心。楊怡仲留言話:「親愛的小珍珠,唔經唔覺,你已經三個月大,時間雖然過真係快,但爸爸同媽咪每日都努力加深認識同了解你,希望你喺我哋嘅愛護下更加健康!」

而身為爸爸嘅羅仲謙都有留言:「小珍珠BB,好多人都話囡囡係爸爸上一輩嘅情人,如果係真嘅話,爸爸等咗你36年喇,爸爸媽媽只希望你開開心心、快快樂樂成長,開拓屬於你自己嘅人生,我哋永遠愛你❤」

講到楊怡同羅仲謙嘅當年,佢哋因為拍攝TVB經典醫療劇《On Call 30小時》結下情緣,呢部劇都喺早前(3月2日)深夜時段重播,劇集由馬國明、楊怡、羅仲謙同黃智雯等主演。

其實羅仲謙、楊怡由一段唔畀睇好嘅姊弟戀,到拍拖4年再結婚。結婚之後楊怡更為咗迎接呢個BB來臨,佢決定放棄事業,2016年4月份約滿TVB之後就選擇性工作,安心做少奶奶。

唔理點樣,宜家見到楊怡同羅仲謙咁幸福,真係替佢哋開心,祝福你哋永遠幸福快樂。

Like MisshkNews Facebook!不出门也能知天下事~

發佈回覆

你的電郵地址並不會被公開。